Birliyin Təftiş-Nəzarət Komissiyası Yaradıldı 

“Sosial Dövlət Naminə” İctimai Birliyinin 2024-cü ilin yekunlarına həsr olunmuş böyük tərkibdə konfransı keçirilmişdi

“Sosial Dövlət Naminə” İctimai Birliyinin mətbuat xidmətindən verilən məlumatda bildirilir ki, Birliyin sədri Faiq Əhmədovun rəhbərliyi və İdarə Heyətinin, rayon təşkilat sədrlərinin, fəal üzvlərin iştirakı ilə 2024-cü ilin yekunlarına həsr olunmuş böyük tərkibdə konfransı keçirilmişdi.

Konfrans öz işinə başlamamışdan öncə Azərbaycan himni oxundu. Ardınca Müstəqilliyimiz, Azadlığımız və Torpaqlarımız uğrunda şəhidlik zirvəsinə ucalan şəhidlərimizin ruhu bir dəqiqəlik sukutla yad edildi.

Daha sonra Konfransda bəzi məsələ müzakirəyə çıxarılmışdı!

 1. “Sosial Dövlət Naminə” İctimai Birliyinin Təftiş-Nəzarət komissiyasının yaradılması;

2. “Sosial Dövlət Naminə” İctimai Birliyinin Nizamnaməsinə uyğun olaraq rayon təşkilat sədrlərinə və üzvlərinə bəzi səlayiətlərin verilməsi nəzərdə tutulmuşdur:

Konfransı Birliyin sədr müavini və İdarə Heyyətinin üzvü Firdovsi Kazımov giriş sözü ilə açaraq iştirakçıları salamlamış və çıxış üçün söz “Sosial Dövlət Naminə” İctimai Birliyinin sədri Faiq Əhmədova vermişdir.

Faiq müəllim hesabat məruzəsi ilə çıxış edərək “Sosial Dövlət Naminə” İctimai Birliyinin fəaliyyəti ilə bağlı tədbir iştirakçılarına geniş məlumat vermişdi. Konfrans iştirakçılarına çıxışı zamanı bildirmişdir ki, “Sosial Dövlət Naminə” İctimai Birliyinin cəmiyyətində özünəməxsus yeri vardır.

Təşkilatımız Heydər Əliyev siyasi kursuna sadiq olmaqla yanaşı, dövlətimizin və dövlətçiliyimizin möhkəmləndirilməsində, cəmiyyətin sosial sahədə formalaşmasında, eyni zamanda gənc nəslin vətənpərvərlik ruhunda tərbiyə olunmasında böyük işlər görərək xeyriyyəçiliklə məşğul olmuşdur.

Daha sonra Bakı şəhər Yasamal, Nizami, Nərimanov, Sabunçu rayon təşkilatılarının sədrləri, Mədəniyyət Şöbəsinin Müdri, Mərdakan Mədəniyyyət şöbəsinin müdri və digər yoldaşlarada söz alaraq çıxışları zamanı “Sosial Dövlət Naminə” İctimai Birliyinin fəaliyyətindən bu günə kimi razı qaldıqlarını qeyd edərək qənaət bəx olduğunu qeyd etmişdilər.

Çıxışlar bitdikdən sonra, İclasa sədrlik edən Firdovsi Kazımov təklif etdi ki;

1. “Sosial Dövlət Naminə” İctimai Birliyinin daha effektli idarə edilməsi məqsədiylə tədbir iştirakçılarının təkliflərinə uyğun olaraq 5(beş) nəfərdən ibarət olmaqla “Sosial Dövlət Naminə” İctimai Birliyinin Təftiş-Nəzarət komissiyası yaradılsın;

2. “Sosial Dövlət Naminə” İctimai Birliyinin Təftiş-Nəzarət komissiyasının 5(beş) nəfərdən ibarət tərkibdə üzvləri və sədr səsvermə yolu ilə seçilsin;

3. “Sosial Dövlət Naminə” İctimai Birliyinin Nizamnaməsinə uyğun olaraq rayon təşkilat sədrlərinin və üzvlərinin bəzi səlayiətlərinin artılıması nəzərdə tutulsun;

“Sosial Dövlət Naminə” İctimai Birliyinin, İdarə Heyətinin sədri Faiq Əhmədovun, İdarə Heyyətinin üzvlərinin və Birliyin rayon sədrlərinin sosial sahədə fəaliyətlərinə nəzarətin və şəffaflğın artırılması üçün təftiş-nəzarət komissiyasının yaradılması məqsədilə səsvermə yolu ilə 5(beş) nəfərdən ibarət Birliyin Təftiş-Nəzarət komissiyasının yaradılması təklifi səsvermə yolu ilə səsə qoyulduqdan sonra

Qərara alındı:

2.1. “Sosial Dövlət Naminə” İctimai Birliyinin, Təftiş-Nəzarət Komissiyasının 5(beş) nəfərdən ibarət tərkibdə yaradıldı;

2.2. “Sosial Dövlət Naminə” İctimai Birliyinin, Təftiş-Nəzarət Komissiyasının 5(beş) nəfərdən ibarət tərkibdə üzvləri və sədri seçildi;

2.2. “Sosial Dövlət Naminə” İctimai Birliyinin Nizamnaməsinə uyğun olaraq rayon təşkilat sədrlərinin və üzvlərinin bəzi səlayiətləri artılıraq əlavə vəzifələr və öhdəliklər verildi.

 Konfransın sonunda xatirə şəkilləri çəkildi.
 
 İlahə Məmmədova:
"Sosial Dövlət Naminə" İctimai Birliyinin
İctimaiətlə Əlaqələr Şöbəsinin müdri

                                            

           Bununla bağlı “Sosial Dövlət Naminə” İctimai Birliyi Bəyanat yayıb. İctimai Birliyin sədri Faiq Əhmədov tərəfindən imzalanmış Bəyanatda deyilir:

         “Azərbaycanın 2020-ci ildə apardığı Vətən müharibəsində əldə etdiyi tarixi Qələbə nəticəsində öz torpaqlarını 30 illik işğaldan azad etməsi, keçən ilin sentyabr ayında özünün ərazi bütövlüyünün və suverenliyinin tam bərpasına nail olması bu gün də müəyyən Qərb ölkələri və orada olan ermənipərəst dairələr tərəfindən həzm oluna bilmir. Bu səbəbdən artıq dördüncü ildir ki, Azərbaycan həmin qüvvələr tərəfindən davamlı olaraq informasiya hücumlarına məruz qoyulur, ölkəmizə qarşı şər və böhtan kampaniyaları səngimək bilmir. Bu mənada, Azərbaycanofob, türkofob və islamofob qüvvələrin cəmləşdiyi Avropa Parlamenti də bu kampaniyaya mütəmadi olaraq öz “töhfələrini” verir. O cümlədən dekabrın 19-da qəbul edilmiş qətnamənin nə dərəcədə qərəzli olduğunu anlamaq üçün təkcə belə bir faktı qeyd etmək lazımdır ki, ölkəmizin ərazisində insanlıq əleyhinə cinayət törətməkdə təqsirləndirilən keçmiş separatçı rejimin nümayəndələri və terrorçular bu sənəddə “erməni hərbi əsirlər” kimi təqdim olunur. Bununla bağlı Avropa Parlamentinin diqqətinə ilk növbədə belə bir faktı çatdırmaq istəyirik ki, bu gün Azərbaycanda həbs səlahiyyətləri ölkənin prokurorluq və məhkəmə orqanlarına məxsusdur. Polisin funksiyası isə asayişi qorumaqdır ki, Azərbaycan polisi də bu vəzifənin öhdəsindən ləyaqətlə və yüksək səviyyədə gəlir. Şübhə yoxdur ki, Avropa Parlamentində oturan və ölkəmizdə sabitliyin pozulması barədə xəyallar yaşayan anti-Azərbaycan ruhlu qüvvələr də məhz bu səbəbdən Azərbaycan polisini və ölkənin Daxili İşlər Nazirliyinin rəhbərliyini konkret hədəf kimi seçmişlər.

        Halbuki, Azərbaycan polisi bu gün ölkəmizdə ictimai asayişi, ölkədaxili təhlükəsizliyi təmin edən əsas güc mənbəyidir.

        Azərbaycan xalqının Ümummilli Lideri Heydər Əliyevin polis əməkdaşları ilə bağlı ifadə etdiyi fikirləri burada yada salmaq yerinə düşər: “Dağlıq Qarabağa iddia qaldırılanda ön cərgədə duran polis idi. Polis idi döşünü irəli verən. Polis idi vuruşan. O vaxt ordu yox idi, ordu hissələri yox idi. 1000 nəfərə yaxın polis işçisi torpaqlarımızın azadlığı uğrunda şəhid oldu”.

         Qeyd olunmalıdır ki, bu gün də Azərbaycanın Daxili İşlər orqanlarında xidmət edən insanlar həm öz vətəndaşlıq borclarına sadiqdirlər, həm də xidməti vəzifələrini ləyaqətlə yerinə yetirirlər.

        Xaricdə olan düşmən qüvvələrin məqsədi Azərbaycan polisinə qarşı mənfi rəy yaratmaqla ölkə vətəndaşları ilə polis orqanları arasında olan həmrəylik bağlantılarını zəiflətmək, bununla da respublikamızda hərc-mərclik, terror cəhdləri, kəskin cinayət halları, dövlət və dövlətçilik əleyhinə çıxışlara zəmin yaratmaqdır. Çünki həmin qüvvələr Azərbaycanda bütün əsas hüquq və azadlıqların tam şəkildə təmin edildiyindən, ölkəmizin bütün dünyaya bir sabitlik və tolerantlıq nümunəsi olmasından çox narahatdılar. Xüsusən də məlum Qərb dairələri tərəfindən törədilən bütün əngəlləri dəf edərək Azərbaycanın COP29-u ən yüksək səviyyədə, təhlükəsizlik və ictimai sabitlik şəraitində keçirilməsində Azərbaycan polisinin xüsusi rol oynaması düşmən qüvvələrin ölkəmizə qarşı hücumlarını daha da şiddətləndirmişdir.

        Bununla bağlı min nəfərdən artıq üzvü olan “Sosial Dövlət Naminə” İctimai Birliyi bəyan edir ki, Avropa Parlamentinin dekabrın 19-da qəbul etdiyi qərəzli qətnamə Azərbaycana qarşı xeyli müddətdir davam edən iftira və böhtan kampaniyasının tərkib hissəsidir. Bu rüsvayçı sənəd Fransa başda olmaqla bütün ermənipərəst qüvvələrin sifarişlərinin iradəsiz icraçısına çevrilmiş Avropa Parlamentinin riyakar siyasi simasını və marionet mahiyyətini bir daha ifşa edir.

        “Sosial Dövlət Naminə” İctimai Birliyi bütün Azərbaycan xalqı kimi bu qərəzli qətnaməni qətiyyətlə pisləyir və Daxili İşlər Nazirliyinin rəhbərliyi başda olmaqla bütün Azərbaycan polisinə birmənalı dəstəyini ifadə edir”.

                         Hörmətlə:                                             Faiq Əhmədov,
                                                                                   ”Sosial Dövlət Naminə” İctimai Birliyinin sədri
 20 dekabr 2024-cü il