Sosialdovlet.az “Sosial Dövlət Naminə” İctimai Birliyinin mətbuat xidmətinə istinadən xəbər verir ki, 30 - 31 dekabr 2023 - cü il tarixində "Sosial Dövlət Naminə" İctimai Birliyinin sədri Faiq Əhmədov  və rayon sədrləri Tərtər, Bərdə, Lənkaran, Biləsuvar və Siyəzən rayonlarında 27 sentyabr 2020- ci il tarixində 2-ci Qarabağ Vətən Müharibəsi və 19 sentyabr 2023-cü il tarixində Antiterror əməliyyatı zamanı gedən döyüşlərdə qəhrəmancasına şəhid olan qəhrəman oğullarımızın ailə üzvlərilə görüşmüş, “Sosial Dövlət Naminə” İctimai Birliyinin adından Yeni il və Dünya Azərbaycanlılarının Həmrəylik Günü münasibətilə bayram sovqatları və hədiyyələr təqdim etmişdilər.
 

Sosialdovlet.az xəbər verir ki, 30 sentyabr 2022-ci il tarixində “Sosial Dövlət Naminə” İctimai Birliyinin sədri, "Azərbaycan sosial dovlətə döğru” layihəsinin rəhbəri Faiq Əhmədovun başçılığı ilə könüllülərdən ibarət layihə qrupu, Kürdəmir rayonuna səfər etmişlər.

Layihə çərçivəsində Kürdəmir rayon, Tofiq İsmayılov adına 1 saylı tam orta məktəbin akt zalında, fəaliyyət planına uyğun olaraq, ictimai müzakirə təşkil edilib.

Tədbirdə Bakıdan gələn qonaqlarla yanaşı, Kürdəmir rayon İcra Hakimiyyətinin Başçısının müavini - Sosial-iqtisadi inkişafın təhlili şöbəsinin müdiri Ağəli Kərimli, İcra hakimiyyətinin Vətən Müharibəsi İştirakçıları və Şəhid Ailələri ilə İşin təşkili Şöbəsinin müdiri Mirmahmud Mahmudov rayonun geniş ictimaiyyət nümayəndələri, eləcə də şəhid Adəm Əliyevin anası, “Sosial Dövlət Naminə” İctimai Birliyinin Kürdəmir rayon Təşkilatın Qadınlar Şurasının sədri Akifə xanım Əliyeva, sədr müavini, Könül xanım Şirvanlı, həmçinin QHT–nin üzvləri, ictimai fəallar, qazilər, şəhid anaları və onların ailə üzvləri digər kateqoriyadan olan vətəndaşlar iştirak ediblər.

Tədbiri “Sosial Dövlət Naminə” İctimai Birliyin sədr müavini Rauf İlyasoğlu açaraq hər kəsi salamladıqdan sonra, Dövlət himnimiz səsləndirildi və Vətənimizin azadlığı uğrunda, ərazi bütövlüyümüzü qoruyarkən canını fəda etmiş şəhidlərimizin və Ümummilli Lider Heydər Əliyevin əziz xatirəsi bir dəqiqəlik sükutla yad edildi.

Rauf müəllim “Sosial Dövlət Naminə” İctimai Birliyin son iki ildə gördüyü əvəzsiz xidmətlərindən danışdıqdan sonra cıxış üçün sözü  təşkilatın sədri, “Azərbaycan Sosial Dövlətə Doğru" layihəsinin rəhbəri Faiq Əhmədova vermişdir.

Sonra “Sosial Dövlət Naminə” İctimai Birliyinin Kürdəmir rayon Təşkilatının Qadınlar Şurasının sədri Akifə xanım Əliyeva, sədr müavini, şair-publisist Könül xanım Şirvanlı, təşkilatın İdarə Heyətinin üzvü, qazi Saleh Hacıyev və rayonun icra hakimiyyətinin vəzifəli şəxslərindən  söz alaraq belə bir aktual layihəni dəstəklədiklərini bildirdilər.

Sonda xatirə şəkilləri çəkildi, paylanma materialları, kitabcalar və bukletlər iştirakçılara hədiyyə olundu.

Sosialdovlet.az xəbər verir ki, "Sosial Dövlət Naminə" İctimai Birliyin mətbuat xidmətindən verilən məlumatda bildirilir ki, Azərbaycanın Silahlı Qüvvələri günü münasibətilə 26 iyun 2022- ci il tarixində  təşkilatın sədri Faiq Əhmədov, aparat rəhbəri Taryel Quliyevlə birlikdə Astara rayonunda təşkilatın və 2-ci Qarabağ Vətən Müharibəsi zamanı torpaqlarımız uğrunda gedən döyüşlərdə qəhrəmancasına şəhid olan şəhidlərimizin ailə üzvlərilə görüş keçirmişdir.

Qeyd edək ki, ziyarət zamanı Faiq müəllim  birliyimizin üzvü olan 15 şəhid ailəsinin üzvünə "Sosial Dövlət Naminə" İctimai Birliyin İdarə Heyətinin qərarı ilə təsis olunmuş "Qarabağ Azərbaycandır", "Qəhrəman Anası" diplomlarını, "Qarabağ Azərbaycandır" medalını və "Döş Nişanı"nı təqdim etmişdir.

Çıxışı zamanı Faiq müəllim təşkilatın fəal üzvlərinə əhalinin sosial problemləri ilə mütəmadi maraqlanmaqlarını və əllərindən gələn köməklikləri əsirgəməmək üçün öz tövsiyyələrini və tapışırıqlarını vermişdir.  

Sosisaldovlet.az xəbər verir ki, "Sosial Dövlət Naminə" İctimai Birliyin mətbuat xidmətindən verilən məlumatda bildirilir ki, 16 iyun 2022- ci il tarixində təşkilatın sədri Faiq Əhmədov və aparat rəhbəri Taryel Quliyev Ağcabədi rayonuna  gedərək rayon təşkilatının sədri Elburus Quliyevlə və təşkilatın fəal üzvləri ilə birlikdə şəhidlər xiyabanında Qarabağ Vətən Müharibəsi zamanı torpaqlarımız uğrunda gedən döyüşlərdə qəhrəmancasına şəhid olan şəhidlərimizi ziyarət edərək ruhlarına dualar oxumuş, dərin hüznlə baş sağlığı vermişdilər.


Qeyd edək ki, ziyarət zamanı Faiq müəllim rayon təşkilatının sədri Elburus Quliyevin iştirakı ilə təşkilatımızın üzvü olan 11 şəhid ailəsinin üzvünə "Sosial Dövlət Naminə" Qeyri Hökumət Təşkilatının İdarə Heyətinin qərarı ilə təsis olunmuş "Qarabağ Azərbaycandır" və "Qəhrəman Anası" diplomlarını təqdim etmişdir.

Sosialdovlet.az xəbər verir ki, "Sosial Dövlət Naminə" Qeyri Hökumət Təşkilatından verilən məlumatda bildirilir ki, 8 noyabr 2021-ci il tarixində təşkilatın sədri Faiq Əhmədov İdarə Heyətinin üzvlərilə birlikdə, Hacıqabul rayon, Udulu kəndində "II Qarabağ Vətən Müharibəsi" zamanı şəhid olan Qasımov Elman Yunis oğlunun adına tikilən Bulağın açılışında iştirak etdikdən sonra elə həmin gün "II Qarabağ Vətən Müharibəsi" zamanı qəhrəmancasına şəhid olan Nicat Qasımovun atası Şöhrət Qasımovun təşəbbüsü ilə Hacıqabul rayon Tağlı kəndinə gedərək üç min şəhidimizin adını daşıyacaq “Şəhidlər” parkının tikintisi ilə yaxından tanış olmuşdur.

 

- 17 noyabr 2021-ci il tarixində isə təşkilatın sədri Faiq Əhmədov Gəncə şəhərinə gedərək şəhid Əliyev Şöhrət Cambulat oğlunun il dönümündə iştirak edərək ailə üzvlərinə dərin hüznlə baş sağlığı vermiş və təşkilatın adından öz maddi-mənəvi dəstəyini göstərmişdir.

- 19 noyabr və 20 noyabr 2021-ci il tarixində  isə "Sosial Dövlət Naminə" Qeyri Hökumət Təşkilatının sədri Faiq müəllim "II Qarabağ Vətən Müharibəsi" zamanı şəhid olan Əliyev Adəm İlqar oğlunun və Məmmədzadə Əli Turan oğlunun mövlud günlərində iştirak edərək şəhidlərimizin ailə üzvlərinə dərin hüznlə baş sağlığı vermiş eyni zamanda da təşkilatın İdarə Heyətinin qərarı ilə təsis olunmuş və şəhidlərimizin adını daşıyan "Azərbaycan Bayrağı" fəxri diplomlarını, Döş Nişanlarını və "Qarabağ Azərbaycandır" medallarını  bir neçə şəhid ailələrinin üzvlərinə təqdim etmişdir.